Мы дапамагаем ахвярам палітычных рэпрэсій, якія былі вымушаныя пакінуць Беларусь і апынуліся ў Кракаве, з жыллём, харчаваннем і неабходнымі рэчамі, а таксама аказваем падтрымку беларусам у цэнтрах для бежанцаў.

Прадуктамі. Як гэта працуе? Мы скантактуем вас з чалавекам (альбо сям'ёй), якога вы здолееце набыць прадукты харчавання на тыдзень-другі. Прыкладовы спіс прадуктаў тут.

Апранкам, побытавымі сродкамі, посудам і г.д. На жаль, у нас няма складу, дзе можна захоўваць рэчы, таму мы працуем з асобнымі запытамі, канцэнтруючыся на спісе і хуткай даставе.

Пошук працы ці падзаробку. Гэта вельмі важны пункт, па якім назіраюцца пэўныя цяжкасці. Калі ў вас ёсць ідэі/прапановы па працаўладкаванні, пішыце нам!

Дапамога ў камунікаванні і афіцыйнай камунікацыі: схадзіць з кімсьці ў міграцыйную службу, дапамагчы прачытаць паперы, пагуляць па горадзе і правесці міні-экскурсію. Людзі часам проста шукаюць стасункаў, знаходзячыся ўдалечыні ад Радзімы і сваёй сям'і.